ХИЧЭЭЛИЙН ТУХАЙ
Сонгон суралцах хичээлийн агуулга нь ерөнхий боловсролын сургуулийн VII-IX ангийн сурагчдын нас, сэтгэхүйд тохирсон, цөм хөтөлбөрийн хичээлүүдтэй уялдсан, амьдралд ойр агуулгаар бэлтгэж, сонгон судлах байдлаар заагдах 5 үндсэн модуль сэдэв бүхий 33 багц цагаас бүрдэж байна.
Сонгон суралцах хичээл нь цахим болон танхимаар хосолсон байдлаар заагдана. Хичээлийг авахыг хүсвэл хичээл захиалах цэс рүү нэвтэрч бүртгүүлэх боломжтой. Сурагчдад зориулсан сонгох суралцах хичээлийг эхлэхээс өмнө багш нарт сургалтын агуулгыг бүрэн ойлгуулах, сургалтыг цахимаар зохион байгуулах юм.
Удиртгал хичээл
Нийт 5 сэдвийн 33 хичээлийн хураангуй, ач холбогдол, уялдаа холбоог ойлгоно.
Өвс ургамлыг нөхөн сэргээх ухаан
Бэлчээрийн ургамлыг аж ахуйн бүлгээр нь таних, тэжээллэг чанар ач холбогдлыг ойлгох, бэлчээр ашиглалтын зөв арга барилын талаар ерөнхий мэдэгдэхүүн олж авна.
Хөрсийг хамгаалж, усыг ариглах ухаан
Бэлчээр нутгийнхаа төлөв байдлыг олон жилийн хугацаанд алдахгүй байхад хөрс, усыг хамгаалах ач холбогдол, арга барилд суралцана.
Уур амьсгал ба нутаг шинжих
Эрт үеэс уламжлан ирсэн цаг агаарын байдлыг байгалийн зүй тогтол, мал амьтдын зан төрхөөс ажиглах арга барил эзэмших, өнөө цагийн уур амьсгалын өөрчлөлтийн талаархи ШУ-ны судалгааны үр дүнтэй танилцана.
Нийгмийн өөрчлөлт ба өв соёл ухаан
Алдагдаж, алсарч буй малч ухаанд шингэсэн зан үйл, цээр, ёс заншлыг сэргээн суралцана.
Амьтныг хайрлан хамгаалах ухаан
Ховордож буй болон хэт олширч буй амьтдын ялгаа, байгальд гүйцэтгэх үүрэг, хамгааллын арга барилд суралцана.
Тогтвортой аж ахуй эрхлэх ухаан
Орчин үеийн зах зээл болон эцсийн бүтээгдэхүүн хэрэглэгчдийн хүсэл сонирхол яагаад байгальд ээлтэй байхыг дэмжиж байгаа талаар ойлгоно.
